30 Aralık 2017 Cumartesi

Heynrix Böll - Bir təlxəyin düşüncələri


          

  Vəə oxuduğum yazıçıların cərgəsinə biri də qatıldı - Haynrix Böll.

    Haynrix Böllün əsərləri məndə melanxolik,  həyatda bir çox şeylə razılaşmayan, qismən də üsyankar ruhlu bir yazıçı imajı oyatdı. 1941-45- ci illərin ağır müharibə şəraiti yazıçını sanki həyatdan küsdürmüşdür. Əsərlərinin hər birində bu illərin aclığını, ümidsizliyini, ədalətsizliyini görmək olur.

22 Aralık 2017 Cuma

İçimdəki mənə...


     
   
    Bir mən vardır məndə məndən içəri...

         (İçimdəki mənə səslənişimdir...)

    Səncə istədiyin budurmu?! Sən istədiyin sənsənmi? Bu cür davam etməyə razısanmı? Məncə... Məncələrim çoxdu...

    Məncə çox kiçik şeylərə taxılıb qalırıq, onlarla məşğul olarkən ömürdən axıb gedən böyük sürprizlərdən bixəbər qalırıq, səncə?

6 Ekim 2017 Cuma

Mücərrəd dünyanın inciləri - Yalnızlıq

  Qəriblikdə ağır həyat imtahanı verən can dostuma ...


   Biri var imiş, biri yox imiş... Biri var imiş, biri yox imiş... Bir gün anlayırsan ki, əslində o biri və ya biriləri heç vaxt yox imiş... 

   Sənin var sayıb sarıldığın, var sayıb ovunduğun heç bir zaman yox imiş... Arzularını, ümidlərini pərvaz etdirən, səni sevgi qanadlarında xəyal buludlarına daşıyan var olmayıb heç bir zaman... 

   Bir ömür arxalanıb güvəndiyin dağlara çoxdan qarlar yağıb lopa-lopa xəbərin yox... O qarlar donub, buza dönüb... Soyuğu səni tir-tir titrədir... İlıq nəfəsin, isti qəlbin də buz tutmağa başlayıb çoxdan, xəbərin yox...

2 Eylül 2017 Cumartesi

Lerikdə bir gün


        

   Ah ahhh... Mən nə xəyallar qurmuşdum bu yay tətili ilə əlaqədar. Guya bu il gedib görməyi çoxdan arzuladığım Şəkiyə salacaqdıq yolumuzu. Həm gözəl təbiətini müşahidə edəcək, həm tarixi binalarını gəzəcək, həm də dadlı halvasından dadacaqdıq. Amma deyir sən saydığını say, gör fələk nə sayır...

22 Ağustos 2017 Salı

Şaftalı ilə yay tortu


        
   
   Salam olsun bu yazını oxuyan bütün canlara. Günlər necə keçir? İstilərlə aranız yaxşıdırmı? Mən şəxsən artıq bir an öncə havalar sərinləsin, yağışlar başlasın deyə gün sayıram.

   Belə isti havalarda insanın ürəyi ancaq sərin və yüngül qidalar istəyir. Ağır və yağlı qidalardan isə hamı uzaq qaçır. Mən də yaya uyğun bir tort resepti paylaşmaq istəyirəm sizinlə.

18 Ağustos 2017 Cuma

İstirahət seçimi

 
    Qızmar yay günlərindən hər kəsə salamlar. Belə istilərdə yəqin ki, bir çoxunuz həm sərinləmək, həm də tətil fürsətini qaçırmamaq üçün istirahət yerlərinə üz tutmusunuz.

   Tətildə dincəlmək üçün hər kəs özünə görə fərqli məkanlar seçir. Yəni hər kəsin istirahət anlayışı fərqlidir.

15 Ağustos 2017 Salı

John Green - Eyni ulduzun altında

         
   Nəhayət, mən də uzun bir müddətdən sonra dostusunun birdənəsi Aybənizim sayəsində müasir dövr ədəbiyyatından bir nümunə oxudum - Eyni ulduzun altında.
  
   Kitab haqqında danışarkən gözləri parlayan Aybənizimin  əsəri çox bəyəndiyini anlamışdım. Ona görə böyük bir maraqla başladım oxumağa. 
  
  New York Times Bestseller olan bu kitabın müəllifi  John Greendir.

11 Ağustos 2017 Cuma

Çılğın sarışın

        
   Ənənəvi fəsil gözəlləmələrində növbə yayındır.

   Digər mövsümlər yurdumuzun müvəqqəti qonağı ünvanında olsa  da yay buraların sakinidir. Yay daha bizdəndir, daha yaxındır sanki. 

   Çünki yay oldumu evdə-eşikdə kimsə qalmır, qış boyu öz dünyasına çəkilmiş qonum-qonşu, qohum-əqraba hamısı gün üzünə çıxır. Qadınların şirin-şirin söhbəti, kişilərin ağac kölgəsində nərdi, dominosu, uşaqların axşamacan bitməyən gizlənqaçı, ip atlaması, futbolu başlayır...Yay hər kəsi mehribanlaşdırır bir baxıma...

8 Ağustos 2017 Salı

Yeni sezon başladımı???


        
   Salam olsun bu yazını oxuyan bütün canlara. Yay tətiliniz yaxşı keçirmi? İstilərlə aranız necədir? :)
   
   Bizi soruşsanız şükür yaxşıyıq. Uzun müddətdi yoxam buralarda. Nə yazı yaza bilirəm, nə də başqa bloqları oxuya. Səbəb və ya səbəblərini tam olaraq bilmirəm amma bir neçə şeyə bağlayıram yaza bilməməyimi.
   
   Tam Ramazan bayramı günü ailəmizdə gözlənilməz çox üzücü bir hadisə yaşandı. Çox xırdalığına gedib təkrar o anları xatırlamaq istəmirəm. Çox şükür sonradan dualarımız və Rəbbimin rəhməti ilə hər şey yoluna düşdü.

5 Temmuz 2017 Çarşamba

Dodaqdan qəlbə


        
   Hər kəsin böyük canfəşanlıqla yeni ədəbiyyat nümunələrini oxuduğu, yeni-yeni yazıçılar axtarışında olduğu bu günlərdə mən köhnə (amma şəxsən mənə görə əsla gündəmliyini itirməyən) əsərlərlə davam edirəm oxuculuq həyatıma :) Yeni bir təvafüq yenə hər kəsin bəlkə də əzbərə bildiyi, lakin, mənim indiyə qədər oxuma fürsətim olmayan bir əsəri Rəşad Nuri Güntəkinin "Dodaqdan qəlbə romanı"nı oxumaq üçün əlimə verdi.

25 Haziran 2017 Pazar

Bayramınız mübarək!!!

       
   Bol dəvətli, sahur sevincli, iftar həyəcanlı, dost-tanış, qohum-qonşu görüşmələrinə vəsilə, inşallah ki, bir çoxumuz üçün ihlaslı ibadətlə dolu gözəl bir Ramazanın da sonuna gəldik.

16 Haziran 2017 Cuma

Ramazanda pəhriz(dieta)


        
   Yay fəsli yaxınlaşarkən hamımızı bir qayğı görürür - arıqlamaq. Qışda qalın paltarların altında yaxşı komuflaj olan vücudumuzun havalar isindikcə geydiyimiz nazik geyimlər sayəsində bütün qüsurları ortaya çıxır və beləliklə, həyəcan təbili çalınır. Yaya daha incə-mincə girmək üçün pəhrizlər, idmanlar əsas gündəmimizə çevrilir.

12 Haziran 2017 Pazartesi

Sobada kartoflu kotlet


   Hərarətli Ramazan günündən hər kəsə salamlar! Çox şükür bu il də Ramazanımız bol qonaqlı, bərəkətli keçir. Bu ayın ən sevdiyim cəhətlərindən biridir bu. Hər gün başqa qonaq və bişirəcəyin başqa-başqa yeməklərin həyəcanı... Təkrar olmasın deyə hər gün fərqli, yeni yemək resepti axtarışına çıxmaq... Vəə nəticədə bir ay kimi qısa zamanın sonunda xeyli yeni resept siyahısına sahib olmaq :))

6 Haziran 2017 Salı

Oğru olmaq istəyirəm

          
   Bizə ən pis görünən xüsusiyyətlər,  ən pis dəyərləndirdiyimiz hərəkətlər bəzən elə yerlərdə lazım olur ki, o hərəkət dünyanın ən xeyirxah işinə çevrilir... Nüsrət Kəsəmənlinin oğru(hırsız) olmaq istədiyi məqamlarda olduğu kimi...

2 Haziran 2017 Cuma

Yenə bir səfər, yeni bir səfər


   Ramazan günlərindən hər kəsə salamlar...    Çoxdandır yazıb hazırlayıb bu gün yayımlamaq imkanı tapdığım bir gəzinti yazımı təqdim etmək istəyirəm sizə. Bu yazılarımla,  əslində, Azərbaycanımın necə gözəl məkanları və təbiəti olduğunu az da olsa göstərmək istəyirəm. Oxuyanlara gedib gəzmək üçün bir fikir olar bəlkə də.

27 Mayıs 2017 Cumartesi

Ramazanla yeni həyata...

       
   Şükür, bir Ramazana da çıxardı bizi Rəbbimiz. Günahlı savablı bir ili də geridə qoyduq.
  
  Yeni ilimiz Ramazanla başlayır əslində. Ramazan yeni bir həyata, tərtəmiz bir səhifəylə başlamağa imkan yaradır çünki. Bütün ildə üzərimizə çökən kiri-pası bu ayda təmizləmək şansı verib Rəbbim bizə.

23 Mayıs 2017 Salı

Gülümsə yetər...


        
   Bəzən sevincimizin, xoş əhval-ruhiyyəmizin səbəbi elə kiçik şeylərə bağlı olur ki, biz özümüz fərqində belə olmuruq. Dünən daha yaxşı hiss etdim bunu.

17 Mayıs 2017 Çarşamba

Aramızda yeni bir bloq



  Sevgili dostlar bir sevincimi sizinlə paylaşmaq istəyirəm. Bir müddət əvvəl təsadüfən bir bloq çıxmışdı qarşıma. Azərbaycan dilində yazılmış həmin bloqdakı yazıları oxuduqca necə sevindiyimi bir bilsəniz. Ülviyyə xanım (Ulyanın renkleri) və Ayselimizdən (Blue things) başqa da azərbaycanlı bir bloqqeri kəşf etməyim məni çoox həyəcanlandırdı.

14 Mayıs 2017 Pazar

Uşaqlığıma səfər



    Salam olsun sevgili bloqqer olan və olmayan məni oxuyan hər kəsə. Neçə vaxtdır aranızda ola bilmirəm yazmışdım keçən yazımda. Şükür yaxşı səbəblərə görə vaxtım olmurdu. İnstagramdan təqib edənlər bilirlər bu aralar həm balacamızın ferma konseptli ad gününü keçirdik, həm də xeyli gəzdik :)

10 Mayıs 2017 Çarşamba

Blog partisi

         
   Hər kəsə qucaq dolusu salamlar... Bilirəm bu aralar çox az oluram aranızda. Yeni yazı yayımlamaq və dostlarımın bloqlarını ziyarət etmək üçün zaman qıtlığı yaşayıram. Səbəbləri haqda növbəti yazıda bəhs edəcəm. 

   Bu yazımda isə qatıldığım bir etkinlikdən danışacam. Yepyeni və maraqlı ideyaları olan gözəlimiz Annesinin Prensesi Bloqlar arası reportaj etkinliyindən sonra bir də bloq partisi keçirmək qərarına gəldi :) Ee qatılmamaq olmazdı təbii ki.

6 Mayıs 2017 Cumartesi

Xınalı sona


     Yenə Rəbbimizin cənnətdən bağçalar bəxş etdiyi bir mövsümdəyik. Fəsillərin ən bərli-bəzəkli, ən nazlı-qəmzəli, ən füsunkar, ən gözəl qoxulusu olan bahar yurdumuzun qonağıdır. Başında gül-çiçəkdən çələngi, zümrüd libası, çəhrayılı-ağlı naxışları ilə, zərif, işvəli, bir az da utancaq yeni gəlinlərə bənzər xınalı sonamızdır bahar.

18 Nisan 2017 Salı

Bitirə bilmədiyim ilk kitab - Prezident ovu


        
   Böyük bir xəyal qırıqlığı ilə qarşınızdayam. Ən son oxuduğum əsərin ağır mövzusundan yorulub daha xəfif, bəlkə romantik bir əsər oxuyaram deyə düşünmüşdüm. Amma həyat yenə qarşıma heç ağlımda olmayan bir kitab çıxardı.

13 Nisan 2017 Perşembe

5. Mim - Sevdiyimiz markalar.

   Salamlar...Mimləri sevdiyimi söyləmişdimmi? :) Mim yazıları nədənsə daha səmimi alınır hər zaman. Tanıdığım bir neçə insan da mim yazılarımın daha maraqlı olduğunu söyləmişdi. Bilmirəm, bəlkə də, mimi cavablayarkən bir az öz zövqlərimiz, keçmişimiz, arzularımız da ortaya çıxır. Yəni oxucu mim sayəsində daha yaxından tanıyır bizi.
   
   Bu dəfə də sevgili Deeptone məni özünün başlatdığı maraqlı bir mimlə mimləyib. Bu mimə görə sevdiyimiz markalardan üçünün adını yazmalıyıq.

10 Nisan 2017 Pazartesi

Qozlu mütəkkə

        
   Havaların gah günəşli, gah yağışlı keçdiyi şıltaq yaz günlərindən hər kəsə salam olsun !!!
  
   Yağış demişkən dünən ilk dəfə dolu yağışına şahid oldum.  İlıq, çiçək qoxulu bir bahar havasında həftə sonunu dəyərləndirmək üçün çıxdığımız  gəzintidən gecə gec saatda dönəsi olduq.
   
   Biz maşına minərkən ildırımlar çaxmağa başlamışdı. Bir az yol getmişdik ki,

6 Nisan 2017 Perşembe

Qısqanclıq - dəyər verməkmi, dəyərdən salmaqmı?


       
   İnsanın daxili sirli-sehirli bir aləmdir.  Duyğular, hisslər bu aləmin  bir-birindən fərqli, hətta bəzən bir-birinə zidd , lakin eyni yerdə bərabər,  əl-ələ qərar tutmuş  sakinləridir. Bu aləmdə sevgi də var,  kin də, şəfqət də var, nifrət də... Lakin bu hisslərin dozası , səviyyəsi hər insanda fərqlilik kəsb edir.

3 Nisan 2017 Pazartesi

Mən yoruldum, bahar!

      
   Salam əziz dostlar! Buralar üçün o qədər darıxmışam ki əslində... Amma bloqa nə illah etsəm də  yaza bilmirəm bir müddətdir.
   Mən bir an öncə bahar gəlsin, enerjilərimiz yüksəlsin, əhvalımız düzəlsin deyə gözlədiyim halda son günlər bir yorğunluq, bir yuxudan doymamazlıq başlayıb ki, gəl görəsən.  Üstəlik hər tərəfimin ağrıması, davamlı ürəyimin sıxılması, həssaslıq, tez-tez yeri gəldi-gəlmədi ağlamaqlar, depressiv hallar da bir tərəfdən ....

27 Mart 2017 Pazartesi

4. Mim -Xoşbəxtlik nədir?

       
   Zamanın yetmədiyi, işlərin bitmədiyi bir bahar günündən salamlar hər kəsə... Bilmirəm nədəndir, bu aralar zamanım çox bərəkətsizləşib. Hər şeyi uc-uca çatdırıram. Vaxtsızlıqdan bloqdakı yazıları da ləngidirəm. Yəqin bahar havasındandır. Həyat canlanır. Uşaqların da qanı qaynayır. Daha çox dağıdıb tökürlər. Nə isə... Şükür ki, heç olmasa indi telefonu əlimə alıb yazımı yaza bilirəm:)
   
   İndi isə keçək əsas mövzumuza.

24 Mart 2017 Cuma

Təşəkkür postu

                           

Salam əziz dostlar, əziz bloqqerlər!
 
   Ah bu bir neçə gün necə çətin keçdi mənim üçün anlatmaqla bitməz. Tam bayram günü o vurhavurun arasında bir post hazırladım bayramla əlaqədar. Mən bloqqerin mobil variantında yazıram həmişə yazıları. Rəsimləri falan da yükləyib sonra Chromla bloqqer səhifəmi açıb düzənləyib yayımlayıram. Bayram postumu düzənləmək istədiyimdə bir baxdım bütün yazılar yox olub.

21 Mart 2017 Salı

Bahar bayramınız mübarək!!!


         
Nəhayət ki, həftələrdir hazırlığı görülən Novruz bayramımız gəlib çatdı. Bu bayramı nə qədər çox sevdiyimi təsəvvür edə bilməzsiniz. Uşaqlar böyüdükcə onlara da milli adət-ənənəmizi aşılamaq, bu gözəlliklərin nəsildən-nəsilə ötürülməsini təmin etmək üçün bayrama olan həvəs və marağım da artır.
Hal-hazırda bayramı qeyd etmək üçün Lənkərana uşaqların nənə-babasıgilə gəlmişik. Bütün qohum-əqraba burda yığılacağıq.

18 Mart 2017 Cumartesi

Bloglararası reportaj - Mary's life


       
   Salam əziz dostlar! Bilənlər bilir bu yaxınlarda yazılarında, yorumlarında yumşaq və sevgi dolu qəlbini görə bildiyimiz, bloqunu ziyarət edən hər kəsdə yüksək əhval-ruhiyyə oyadıb, üzünə gülücüklər qonduran enerjili bir prenses anası, yəni, Annesinin Prensesi bir etkinlik həyata keçirdi - Bloqlararası reportaj.
Bu etkinliyə qoşulan hər kəs balaca prensesin çəkdiyi kura ilə cütləşdi. Mən öz adımın qarşısında tanımadığım bir bloqu gördükdə çox sevindim. Deməli yeni bir bloq və yeni bir dostluq ...

16 Mart 2017 Perşembe

Gecikmiş post - Torpaq çərşənbəniz mübarək !!!


        
   Hər kəsə bu şən, sevinc və gülüş dolu bayram günlərindən salamlar. Ahh, neçə gündür nə yazı yaza, nə də bir şey oxuya bilirəm. Məlum bayrama hazırlıq gedir bütün evlərdə. Mən də 2 gün bayram şirniyyatlarını bişirməklə məşğul oldum. Sonra evdə dərindən təmizlik işləri ilə. Ənənəmi pozub hər çərşənbə yazdığım halda ən son çərşənbə haqqında yaza bilmədim. Çünki həmin gün xeyli qonaqla bir gözəl bayram qeyd etdik bizim evdə. Ev yiyəsi olaraq məsuliyyət bizim üzərimizə düşürdü təbii ki.

10 Mart 2017 Cuma

Qara paltarlı qadın

              
               
Kişilər bir olmur, atam balası, -
qorxağı var, igidi var.
Amma hər kişinin öləndən sonra
qəbri üstə ağlayası
Bir qara paltarlı gözəl qadına
ümidi var.

7 Mart 2017 Salı

Havada bahar qoxusu var


         
   Bu gün Azərbaycanda üçüncü ilaxır çərşənbəlırindən olan yel (hava) çərşənbəsi qeyd olunur. Ənənəmizə sadiq qalaraq bu çərşənbə haqqında topladığım məlumatları paylaşmaq istəyirəm bloqumda.

   Yel çərşənbəsinə xalq arasında "Küləkli çərşənbə", "Külək oyadan çərşənbə" də deyilir. Bu əslində insanların düşüncəsində yaranışdan etibarən nəfəs alınan havanı təmsil edir.

5 Mart 2017 Pazar

Şuba (Kürk) salatı


          
   Salam olsun bütün blogger əhlinə :) Bu gün çox sevdiyimiz bayram və ad günlərində süfrəmizdən əksik etmədiyimiz bir salat olan Şubanın reseptini paylaşmaq istəyirəm burdan. Əvvəlcədən onu da qeyd edim ki, sadəcə yuxarıdakı hazır salat şəkli mənə aiddir. Hazırlanma mərhələsində çəkmək imkanım olmadığı üçün digər rəsmləri internetdən götürümüşəm.

3 Mart 2017 Cuma

Mücərrəd dünyanın inciləri - Ümid


         
   Nələr vermədi ki, Rəbbim bizə... Bu kirli dünyada yaşaya bilməyimiz üçün nələr lütf etmədi ki, öz sonsuz xəzinəsindən?!

   Heç düşündükmü ümidimiz olmasaydı necə olardı halımız? Necə irəliləyərdi həyatımız? Ümidsiz gəlməzdimi bir an öncə dünyanın sonu?!

   Çünki ümid  yuvarlanarkən uçurumlara doğru əlini atıb tutuna bildiyimiz, sağlam bir budaqdır ;

28 Şubat 2017 Salı

Qəlblər, ocaqlar isinir...

           
   Bugün ikinci ilaxır çərşənbəsi olan od çərşənbəsi təşrif buyurub yurdumuza. Bu çərşənbəyə "Addı çərşənbə", " Üskü çərşənbə" də deyirlər.
   
   Birinci su çərşənbəsində ev-eşiyi, həyət-bacanı suyun köməyilə təmizləyən qədim insanlar od çərşənbəsində ötən ildən qalan köhnəlikləri, dərdləri, xəstəlikləri tonqalda yandıraraq həyatlarında açdıqları tərtəmiz bir səhifə ilə girdiklərinə inanırdılar yeni ilə.

26 Şubat 2017 Pazar

Qanayan yaramız - Xocalı


   Tam 25 il öncə, lopa-lopa qarın yağdığı sərt bir qış günü idi.  7 min əhalisindən  4 aylıq mühasirə və hücumlardan sonra 3 mini qalmış Xocalı sakinləri səksəkə, qorxu içərisində bir gecəni də keçirmək üçün yataqlarına girmişdilər.Başına gələcək dəhşətli faciədən xəbərsiz... 

   Kim bilir o gecə neçə ana öz körpəsinin gələcəyini narahatçılıq içərisində düşünmüş, neçə gənc bu qara günlər bitdikdən sonra sevdiyi qızla quracağı ailənin xəyallarını qurmuş, neçə ata övladını tələbə görməyi arzulamış, neçə nənə-baba " Sən bizim ömrümüzdən al balalarımızın ömrünə cala, onlar hələ cavandılar nə gün görüblər ay Allah!" deyə dua etmişdilər Uca Yaradana əl açaraq.

23 Şubat 2017 Perşembe

Konseptli ad günlərimiz

   Bizim ailədə yeni bir ənənə başlayıb. Uşaqların ad günlərini həm əyləncəli, həm də yaddaqalan keçirmək üçün onların istədiyi bir konseptə uyğun qeyd edirik.
  
   Bu cür ad günlərini ilk dəfə internetdə görəndə çox bəyənmişdim. Bizdə də belə ad günü hazırlayan şirkətlər varmı deyə çox aradım. Qarşıma bahalı və dəbdəbəli ad günü təşkilatçıları çıxdı. Heç biri sadə vətəndaşın büdcəsinə uyğun gəlməyən belə ad günü təşkilatçılarının istədiyim bir tərzdə ad günü  nümunələrini görə bilmədim.

21 Şubat 2017 Salı

Baharın ilk müjdəçisi

   
     
   Bu gün güllü-çiçəkli, barlı-bərəkətli Novruz bayramının 4 müjdəçisindən birincisi Su çərşənbəsi elimizin-obamızın qonağıdır. 
   
   Novruza addım-addım yaxınlaşarkən hər 4 həyat ünsürünün adı ilə bağlı çərşənbələri qeyd etmək qədim adətlərimizdəndir.

20 Şubat 2017 Pazartesi

Mövlud Süleymanlı - Səs

          
           
    Nəhayət, bir kitabı bitirə bilməyin sevinciylə qarşınızdayam :)) Mövlud Süleymanlının Üç romanındakı ən sonuncu roman "Səs" haqqında danışacam bu dəfə.
          
   İlk roman "Köç"də Sovet hakimiyyətindən öncəki həyatı və sonda yeni qurulan hökumətin ilkin izlərini görmüş, ikinci "Ceviz qurdu" romanında bu hakimiyyətin altında əzilən, mənəvi çürüntüyə üz tutmuş, milli kimliyini danmağa başlamış millətin yaşadıqlarının şahid olmuşduq.

16 Şubat 2017 Perşembe

3. Mim - Bloqumun adı hardan gəlir və bir elan

             
              
   Yenə bir mimlə qarşınızdayam. Bu aralar maşallah bir mim bolluğu yaşayırıq :) Olsun,  mən sevirəm mimləri. Çünki mimlər bizi düşünməyə vadar edir və ağlımıza gəlməyən mövzularda yazmağımıza səbəb olur.

   Bu dəfə isə məni şipşirin çizimləri və yazıları ilə sevgimizi qazanmış Fatofotofan bloqunun sahibəsi Fatma xanım mimləyib. Bu mim bizdən bloqumuzun ad tarixçəsini yazmağımızı tələb edir.

   Mənim bloq adım bir az keçmişə dayanır. Umman adını illərdir müxtəlif yerlərdə istifadə edirəm. Oxuduğum kitablardan birində Allah dostu, böyük mütəfəkkir ilahi eşqdən danışarkən yazırdı:

14 Şubat 2017 Salı

2. Mim - Reklamdakı kimi olmayan şeylər

Hər kəsə salamlar.  Bu dəfə maraqlı bir mimləmə gəldi başıma :) İki nəfər tərəfindən mimləndim. Birinci enerji və həyat dolu yazılarıyla insana xoş əhval-ruhiyyə bəxş edən Annesinin prensesi tərəfindən, daha sonra isə özünəməxsus yorumlarıyla hər gününü qeyd edən və arada çox maraqlı mövzularda yazan Yine bir gün biz böyle   tərəfindən. Burdan hər ikisinə çox-çox təşəkkür edirəm.
                                   
Bu mim bir az çətin gəldi mənə doğrusu. Çünkü mimin mözusu həyatda reklamda olduğu kimi olmayan şeylərdən birini tapıb yazmaqdır. Əslində reklamları sevən və maraqla izləyən biriyəm mən. Amma televizora baxma imkanım olanda. Bu aralar televizordan xeyli uzağam.

13 Şubat 2017 Pazartesi

Ucalıqda tənhalıq...


   
Ağaca bax, ilahi, başı dəyir buluda,
yəqin həsədlə baxır onun ucalığına
Qaratikan kolu da.
Amma kol hardan bilə hər yaxşıda yaman                                                                           var -
Tənhadır ucalıqlar.

9 Şubat 2017 Perşembe

Həyat sadəcə gördüyündən ibarət deyil

   
           

   Payızın ilk günləri idi. Qatarın vaqonuna uca boylu, saçları qar kimi ağappaq bir kişi və 25-26 yaşlarında bir oğlan daxil olub yerlərini tutdular. Oğlan pəncərə tərəfdə əyləşmişdi. Qatar tərpənən kimi o, hava axınını hiss etmək üçün əlini pəncərədən bayıra çıxardı və birdən heyrətlə qışqırdı:

6 Şubat 2017 Pazartesi

Portağallı kələm salatı (və ya turşusu)


           
    Çox fərqli bir salat resepti ilə qarşınızdayam. Bəri başdan deyim ki, rus mətbəxindən gələn bu salat hər kəsin ağız dadına uyğun olmaya bilər. Məsələn bizim ailə bu salatı sevənlər və bir daha yemək istəməyənlər olaraq iki ayrı qrupa bölündü:) Portağalın aromasını və qoxusunu sevənlərdənsinizsə bu salatı da bəyənəcəksiniz. Mən çox bəyəndim, ona görə də siz dəyərli oxuyucularla da paylaşmaq istədim.

2 Şubat 2017 Perşembe

Mövlud Süleymanlı - Ceviz qurdu


                   
    Dünən Mövlud Süleymanlının Üç roman adlı kitabındakı ikinci əsəri də oxuyub bitirdim nəhayət. Vaxtsızlıqdan kitabları bu qədər gec bitirməyim də hər dəfə yer edir ya mənə, nə isə...
    "Ceviz qurdu" adlanan ikinci romanın "Köç" qədər təsirli olmayacağını az-çox təxmin etmişdim.Çünki kitabı verən özəlliklə "Köç"ü oxumağı tövsiyə etmişdi. Lakin əvvəli bir az darıxdırıcı gələn "Ceviz qurdu"nu oxuduqca sujet xəttinin içindən keçən sarı simi yaxalayınca elə bir dalırsan ki, əsərə bir də sonda oyanırsan.

30 Ocak 2017 Pazartesi

Böyük nemət

 
               
    Bu yaxınlarda arayış almaq üçün getdiyim bir idarədə eşitdiklərim mənə çox dərindən təsir etdi doğrusu. Bizim yaşadığımız qəsəbənin xeyli yaşı var. Sonradan köçənlər, burdan daşınıb gedənlərlə yanaşı burda dünyaya gəlib, burda ailə qurub və hazırda burda oğul-uşaq, nəvə sahibi olanlar da var. Ona görə də qəsəbə sakinlərinin arasında hələ sovet dövründən burda ilişib qalmış tək-tük rus ailələrinə də rast gəlinir.

26 Ocak 2017 Perşembe

Məşhur "Polyanna"nı, nəhayət, mən də oxudum :)

                        
     Oxuduğum bir kitab haqqındakı yazı ilə yenidən sizinləyəm. Polyannanı yəqin ki, bir çox insan oxuyub. Lakin mən bu əsər və qəhrəmanı  Polyanna haqqında sadəcə eşitmişdim. Yenə bir təvafüq nəticəsində onu oxumaq mənə də qismət oldu. Kitabı az səhifəli və axıcı olduğundan, həm də tez bir zamanda qaytarmalı olduğum üçün oxuduğum romanı yarım saxlayıb bir günə qurtardım və çox sevdim doğrusu (bu arada əslində nazik kitabları oxumaq daha rahatmış, mənim oxuduqlarım o qədər qalın olur ki, bitirməyim həftələr çəkir :( )

24 Ocak 2017 Salı

1. Mimləndim. İlk mimim.

             
       
Dünən hamımızın çox sevdiyi, gözəl qəlbli Deep Tone tərəfindən mimləndim. Digər bloqlarda hər zaman qarşıma çıxan mim ənənəsinə mən bloq həyatımda ilk dəfədir qatılıram. Bu həyəcanı mənə yaşadan Deep Tone-a sonsuz təşəkkürlər. Tanımıyan yoxdur əminəm amma, əgər onu hələ də tanımırsınızsa çox şey itirmişsiniz deməkdir.  Adı kimi Sadə və Dərin bloquna mütləq bir göz atmağınızı tövsiyə edirəm.

"Çocukluğumuza dair" adlı bu mim sayəsində üç sualla  xatirələrimizi qurdalayır, uşaqlıq dövrünə qayıdaraq həmin dövrün bəlkə də çoxdan unutduğumuz məqamlarını yada salmağa çalışırıq.

23 Ocak 2017 Pazartesi

Kakos surprizli keks

                                         
    Hər kəsə qucaq dolusu salamlar. Bu gün yenə ləzzətli bir reseptlə qarşınızdayam. Doğrusu bizim evdə şirniyyat olaraq ən çox keks bəyənilib, iştahla yeyildiyinə görə mən də həmişə fərqli keks reseptləri axtarışında oluram.  İnternetdə axtarış zamanı qarşıma çıxan bu günkü keks ilk olaraq görüntüsü ilə könlümüzü fəth etmişdi. Bişirib dadını da çox bəyəndiyimiz üçün bloq yaddaşımda da yer alsın istədim. Beləliklə keçək keksimizə lazım olan ərzaqları və hazırlanma qaydasını anlatmağa.

19 Ocak 2017 Perşembe

Bir şeir

    Dünən uzun müddətdi üzlərinə baxmadığım köhnə kitablarımı qurdalayarkən aralarından vaxtilə sevərək və həyəcanla oxuduğum bir neçə şeir kitabı keçdi əlimə. Təbii ki, hər zamankı kimi kitabları əlimə alıb olduğum yerə çökərək əsl işimi unudub daldım şeir ailəminə. Ayılanda baxdım ki, mən şeirləri oxuyarkən fəsillər dəyişib, illər ötüb :)) və yenə iş-güc tökülüb qalıb. Həmin şeirlərdən arada bir yazmaq istəyirəm bloquma. Kitab oxumağa vaxt çatdırmayanda burdan baxa bilərəm beləcə. Həm siz dəyərli oxucularla da paylaşmış olaram. İlk yazacağım şeir bizim çox sevdiyim dəyərli, mərhum şairimiz Bəxtiyar Vahabzadənin qələmindən çıxıb.

16 Ocak 2017 Pazartesi

Bəyaz mələk

                                     
     Soyuq nəfəsilə, ağappaq qarı, çovğunu ilə qonağımızdır qış fəsli bu gün... Çoxları sevmir hərəkətlərimizi, həyatımızı məhdudlaşdıran soyuğu, şaxtası ilə sərt görünən, lakin par-par yanan qarı ilə yumyumşaq qəlbə sahib olan bu fəsli... 
    Lakin qış bizə Rəbbimizin ən gözəl ərmağanıdır əslində... Çünki yalnız qış bizə hədiyyə edir zərif, bəyaz çiçək-çiçək, ləçək-ləçək yağan  qar adlı bir gözəlliyi. Yalnız qışda nəsib olur bizə bu əsrarəngiz təbiət hadisəsini seyr etmək.
  Sanki bəmbəyaz bir mələkdir o... Hər tərəfi şəfqətilə bəyaz yorğanına bürüyən, evlərdə isti ocaqlar yandırıb digər fəsillərdə ətrafa səpələnib işə-gücə başı qarışıb bir-birlərini unutmuş ailə üzvlərini, qohum əqrabanı bir damın altına, bir isti ocağın başına yığmağa müəəssər olan bir mələk... Qış insanları bir araya gətirən ən isti fəsildir deyilməyib boşuna.

12 Ocak 2017 Perşembe

Sözəbaxan uşaqlar böyütmək üçün

                             
     Yazıya keçmədən öncə məni bu mövzuda yazmağa sövq edən səbəblərdən bəhs etmək istəyirəm. Açığı çox sevdiyim bir yaxınım məndən belə bir yazı yazmağımı istəyəndə gülmüşdüm. Çünki heç vaxt özümü uşaq tərbiyəsilə bağlı məsləhət verəbiləcək bir mövqedə görməmişəm. Hətta  yaxşı ana olmadığımı düşünüb məyus olduğum, düzgün tərbiyə verə bilirəmmi deyə həyəcan keçirib ağladığım  zamanlarım çox olub.
      Bizim uşaqları isə həmişə Allahın lütfü olaraq görmüşəm. Çünki körpəlikdə bir çox valideynlərin çəkdiyi yuxususluq, ağlağanlıq, köp problemi, böyüdükcə aqressivlik, oyuncaqlarını paylaşmamaq və s. kimi problemləri yaşatmayıblar mənə çox şükür. Nisbətən böyüdükdən sonra da əslində mənim nəzərimdə nadinc olan uşaqlar ətrafda hər kəs: qonum-qonşu, qohum-əqraba tərəfindən təriflənən, çox ağıllı olduqları söylənilən uşaq oldular. Bu məni sevindirdiyi qədər təəccübləndirir də. Hələ üstəlik sən necə edirsən ki, uşaqlar belə ağıllıdırlar deyə sual veriləndə lap çaşıram. Çünki açığı təbii ki, əməl etməyə çalışdığım bir sıra  tərbiyə üsulları olsa da ciddi şəkildə hər hansı bir üsulu özümə etalon etməmişəm. Hal belə olunca məndə maraq yarandı. Doğurdan görəsən necə olur ki, bizimkilər bizdən başqa hamının dediyinə görə  ağıllı uşaq olublar :) (bir də aralarında dalaşmasalar kaş ki)         
     Buna görə bir az araşdırma etdim, bəzi uşaq psixoloqlarının yazılarını oxudum. Və beləcə bəzi şeylər mənə aydın oldu. Bu yazıda sözəbaxan uşaqlar böyütmək üçün mənim bilərək və ya bilməyərək etdiyim və psixoloqların məsləhət gördüyü bir sıra məqamları maddələr şəklində açıqlayacam. İnşallah ehtiyac duyan və oxuyanlara faydası olar deyə ümid edirəm.

9 Ocak 2017 Pazartesi

Kelebek Etkisinin qonağıyam!!!

                     

Bu gün bloq dünyamda mənim üçün önəmli izləri olan, çox dəyər verdiyim Kelebek Etkisinə qonağam. Onunla 2-3 ay öncə ilk olaraq özüm üçün yazdığım yazıların artıq biriləri tərərəfindən oxunmasını istədiyim və bloq yazdığım 10 ay boyunca tək bir ziyarətçimin olmamasının səbəbini axtararkən Yeni bloglara tavsiyeler ve sizi takip etmek istiyorum   postu sayəsində tanış oldum. Yazı o qədər səmimi idi ki, bloq açdığı ilk zamanlardan bəhs edərkən keçirdiyi hisslərində, düşüncələrində özümü gördüm sanki. Heç çəkinmədən yorum hissəsində bloqunuzun adını yazın, yazan hər kəsi izləməyə başlayacam deyirdi. Bu səmimi dəvətə laqeyd qala bilməzdim. Beləliklə ilk izləyicim və bloquma ilk yorum ( təəssüf ki, yorumu səhvən silmişdim o vaxt :( ) yazan oldu Kelebek etkisi. Təbii ki, mənim də ilk izlədiyim blogger olaraq önəmli bir yer aldı həyatımda. Azərbaycan əsilli olduğunu öyrəndiyimdə isə qürur və fərəh hissi keçirməklə yanaşı bizi damarlarımızdan axan qanın bir-birimizə doğru çəkdiyini də anlamış oldum. Kelebek etkisi çox anlamadığım, əlaqəm olmayan kosmetik vasitələrdən bəhs edir. Lakin maraqlı anlatımı və səmimi dili ilə yazdığı hər postu oxuyuram. Əslində çox istifadə etməsəm də bir çox qadın üçün böyük önəm ərz edən kosmetika dünyasını yavaş-yavaş tanımağa başlayıram onun sayəsində. Hər kəsə Kelebek etkisini ziyarət edib yazılarına bir göz atmasını şiddətlə tövsiyə edirəm. Makyaj və kosmetikaya marağınız varsa bloqdan çox şey öyrənib, maraqlı məsləhətlər alacağınızdan əmin ola bilərsiniz.
   Və 1-2 həftə öncə başladığı Anılarla bloggerler seriyasına qonağam bu gün. Mən də həyatımda iz salmış bir  xatirəmi anlatmışam blogda. Yazını oxumaq üçün buraya tıklamağınız kifayətdir.Yorum yazaraq fikirlərinizi paylaşmağı unutmayın. Təəssüratlarınız mənim üçün çoox önəmlidir. Sevgilər...

6 Ocak 2017 Cuma

Mövlud Süleymanlı - Köç

   

                          

     Utanaraq da olsa qeyd edim ki, Mövlud Süleymanlı adını eşidib heç bir əsərləri ilə tanış olmadığım bir yazıçı idi. Ta ki, onun oxumağım üçün məsləhət görülən "Üç roman" adlı kitabı gəlib əlimə çatanacan. Adından da məlum olduğu kimi kitab üç romandan ibarətdir.  Lakin mən sadəcə birinci romanı həyatımda ilk dəfə kaş ki bitməsəydi dediyim "Köç"ü indicə bitirdim. Əsərdən o qədər çox təsirləndim ki, bu təsir keçməmiş, həmən təəsürat və hisslərimi yazmaq istədim. Hər əsərə ayrıca post yazmaq daha yaxşı olacaq zənnimcə. Belə həm yazı çox uzanmaz, həm də hər əsər haqqındakı təəssüratlarımı ətraflı bir şəkildə yazmış olacam. Hisslərim soyumadan keçək əsər haqqındakı düşüncələrimə...

4 Ocak 2017 Çarşamba

Asan keks (mürəbbəli)

    Hər kəsə yeni ilin ilk günlərindən salamlar. Bu aralar günlər günəşli keçsə də havada qışın şaxtası hiss olunur əməlli-başlı. Hələ bir də axşam oldumu hər yer buz bağlayır. Belə havada evdə oturub heç yana çıxmaq istəmir insan. Adyala bürünərək bir  tərəfdə oturmaq,  əlindəki bir fincan isti çay və ya qəhvəni içərkən qurtum-qurtum ən sevdiyin kitabın maraqlı dünyasında qeyb olmaq istəyirsən... Çayın yanında ləzzətli bir keks də oldumu dəyməyin keyfimə :) Bu gün sizi çox yormadan asan başa gələn, eyni zamanda çox ləzzətli və maraqlı bir keks resepti ilə tanış etmək istəyirəm. Bir də gördünüz ürəyiniz istədi və ya uşaqlar sizdən bir şirniyyat hazırlamağınızı xahiş etdi, amma, baxdınız ki, evdə şəkər qurtarıb. Yəqin ki, həmən vaz keçərsiniz bişirməkdən. Eee şəkərsiz şirniyyatmı olar? Qaldı sabaha -deyə düşünməyin bu resept elə tam belə ekstrimal günlər üçündür. Nə isə çox uzatdım keçirəm keksimizə.

2 Ocak 2017 Pazartesi

Bloqum 1 yaşında

    
            
Bəmbəyaz qarın lopa-lopa yağdığı, yeganə rəng və çalarları ilə təbiətə öz əsrarəngiz naxışlarını ustalıqla işlədiyi soyuq, səssiz bir qış gecəsində dünyaya gəldi Səssiz Umman... Uzun sürən tərəddütlər, əcəbalar və bəlkələrdən sonra...